兌現了!!

星期四同爸媽姑姐一同去了澳門一日遊!
事前我没有怎樣計劃行程, 唯有在船上想想想.
怎知道一落船, 原來媽子心中已有了目標, 就係
搭的士去新馬路的陶陶居嘆茶（上船之前先在
家樓下飲過 = = 兩老的共同嗜好）. 哈哈好彩有驚
喜, 我們吃了炸鮮奶, 桂花魚片粥, 金錢雞(爸爸說
這個現在在香港没有很多地方有得吃, 這個是肥
豬肉雞肝夾义燒, 味道像豬肉乾. 很"野"味), 還有
金錢肚, 义燒包等...都好味. 這兒每位茶只須$3,
比香港的便宜一半. 接着我們便去新葡京觀摩, 一
入到去, 見到擺放了馬銅首, 一些象牙, 玉器調塑,
老豆就喺度影影影. 終於入去了, 逛了逛見到有女
郞在跳舞, 上身穿了小背心而下身穿了T BACK,
我都係第一次看. 開了眼界. 臨走前老豆終於忍
唔住睹了一鋪. 落注$500 (咁多!!!), 結果贏了 =D
跟住我地就打的去威尼斯及新濠天地(皇冠酒店+
HATTY HOTEL + HARD ROCK HOTEL), 皇冠
酒店的梳化好舒服, 裝修也很好! 之後我地去咗官
也街, 原本我想試另一間豬扒包, 怎知的士司機載
我們到大利來落車, 姑姐爸媽就坐低了叫兩個豬扒
包再加涷檸樂. 唯有下次試 :P 跟着我帶了他們試
那間出名的魚翅......麵 = = 試後我們都覺得擰頭.
之後在隔離買了點手信, 跟住去食我上次想試的
另一間木槺布丁 (這個不夠實, 我喜歡上次那間多d)
之後我們在車厘哥夫逗留了一會, 姑姐想帶我們試
一間牛什, 點知摺咗. 跟住我地就打的返新馬路, 入
了義順食甜品, 爸叫了熱燉奶, 媽叫紅豆冰, 我叫木
瓜鮮奶, 姑姐叫了凉粉什果冰. 我地一致認為燉奶最
好食. 然後我們就去搵七姑姐話那間好吃的店舗, 哈
哈 逛了一圈就給我們找到了! 入到去我們坐了一會
才點菜, 叫了炒蜆(佢地話好食), 椒鹽九肚魚(好大條
肥美, 我覺淡了點, 要點調味料才好吃) 魚湯浸菜遠
(好抵 $8咋, 是日其中一樣特價菜, 仲要係好好食!!!
good), 果皮蒸烏魚 (d魚幾滑同有肉, 豉油味道份量都
剛剛好! 讚!) "喬"頭($5一大碟). 跟住我地打的返碼
頭趕７：３０pm船回港. 結束了我們整天的旅程！
滿足．開心！